شاہ رخ خان کی ائیرپورٹ آمد؛ فین کے دھکے سے گرتے گرتے بچے، ویڈیو وائرل

ممبئی( شو بز ڈیسک)بالی ووڈ کے میگا اسٹار شاہ رخ خان ممبئی ائیرپورٹ پر ایک دلچسپ واقعے کا شکار ہوئے جب ان کے مداحوں کی بھیڑ نے انہیں گھیر لیا۔ رپورٹس کے مطابق، جب شاہ رخ خان ابوظہبی جانے کے لیے ائیرپورٹ پہنچے تو ان کے مداحوں نے انہیں گھیر لیا اور “شاہ رخ شاہ رخ” کے نعرے لگائے۔جیسے ہی وہ اپنی گاڑی سے اترے، مداحوں نے ان کے قریب آنے کی کوشش کی اور تصویریں لینے لگے۔ اس دوران ایک خاتون فین نے سیکیورٹی گارڈز کو پیچھے دھکیل کر شاہ رخ کے قریب پہنچنے کی کوشش کی، جس کی وجہ سے شاہ رخ خان توازن کھو بیٹھے۔ تاہم، انہوں نے فورا خود کو سنبھالا اور گرنے سے بچ گئے۔یہ واقعہ سوشل میڈیا پر وائرل ہو گیا ہے۔ کچھ صارفین نے اسے خوف زدہ کن تجربہ قرار دیا، جبکہ دیگر نے یہ بات اٹھائی کہ اسٹارز کی سلامتی اور ان کی پرائیویسی کا خیال رکھنا چاہیے۔ یہ واقعہ ایک بار پھر اس بات کی نشاندہی کرتا ہے کہ شہرت کی دنیا میں ستاروں کی زندگی کیسی ہوتی ہے اور ان کی حفاظت کتنی ضروری ہے۔