دنیا بھر کے ممالک میں سونا مزید مہنگا، قیمتیں تاریخ کی بلند ترین سطح پر پہنچ گئیں

کراچی ( کامرس ڈیسک)سونا مزید مہنگا ہوگیا، جس کے نتیجے میں قیمتیں ایک بار پھر تاریخ کی بلند ترین سطح پر پہنچ گئی ہیں۔امریکا سمیت دنیا بھر کے ممالک کی جانب سے گولڈ میں بڑھتی ہوئی سرمایہ کاری کی وجہ سے عالمی اور مقامی سطح پر سونے کی قیمتیں نئی بلند ترین سطح پر پہنچ گئی ہیں۔بین الاقوامی بلین مارکیٹ میں فی اونس سونے کی قیمت 13 ڈالر کے اضافے سے 2,997 روپے کی نئی بلند ترین سطح پر پہنچ گئی، جس کے باعث مقامی صرافہ مارکیٹوں میں بھی 24 قیراط کا فی تولہ سونا 1,100 روپے کے اضافے سے 3 لاکھ 14 ہزار 800 روپے کی نئی بلند ترین سطح پر آگیا۔اسی طرح ملک میں فی 10 گرام سونے کی قیمت بھی 943 روپے کے اضافے سے 2 لاکھ 69 ہزار 890 روپے کی بلند ترین سطح پر آگئی۔سونے کی قیمتوں میں اضافے کے برعکس فی تولہ چاندی کی قیمت بغیر کسی تبدیلی کے 3,530 روپے کی سطح پر مستحکم رہی، اور فی 10 گرام چاندی کی قیمت بھی بغیر کسی تبدیلی کے 3,026 روپے کی سطح پر مستحکم رہی۔