ملک کواندرونی اور بیرونی دہشتگردی کا سامناہے،سوشل میڈیا پر سازشیں کرنے والے پاکستان کے حقیقی دشمن ہیں:ایاز صادق

گوجرانوالہ ( اباسین خبر)سپیکر قومی اسمبلی سردار ایاز صادق نے سوشل میڈیا پر سازشیں کرنے والوں کو پاکستان کا حقیقی دشمن قرار دیا۔ انہوں نے میڈیا سے گفتگو کرتے ہوئے کہا کہ امریکی سفری پابندیوں کی خبر پر کچھ افراد خوشیاں منا رہے ہیں جبکہ ہم اندرونی اور بیرونی دہشت گردی کا سامنا کر رہے ہیں۔ ایاز صادق نے کہا کہ پاکستان میں دہشت گردی کے واقعات میں اضافہ ہو رہا ہے اور اس سے ملک کو شدید نقصان پہنچ رہا ہے۔ انہوں نے نیا نیشنل ایکشن پلان بنانے کی ضرورت پر زور دیتے ہوئے کہا کہ خیبر پختونخوا اور بلوچستان میں دہشت گردی کے واقعات نے ملک کی سلامتی کو متاثر کیا ہے۔