دہشت گردی کے پیچھے بھارت کا ہاتھ ہے،متحد ہو کر تحریک چلائیں گے:کامران ٹیسوری

کراچی( اباسین خبر)گورنر سندھ کامران خان ٹیسوری نے کہا کہ ہم متحد ہو کر دہشت گردی کے خلاف تحریک چلائیں گے۔ انہوں نے کہا کہ خوارج پاکستان میں ترقی روکنا چاہتے ہیں اور دہشت گردی کے ذریعے نوجوانوں کے مستقبل سے کھیل رہے ہیں۔ ٹیسوری نے مزید کہا کہ پاکستان میں دہشت گردی کے پیچھے بھارت کا ہاتھ ہے اور ملک اس وقت مشکل حالات سے گزر رہا ہے۔ انہوں نے یقین ظاہر کیا کہ بانیان پاکستان کی اولادیں پاکستان کو بچائیں گی اور متحد ہو کر ملک کی معیشت کو بہتر بنائیں گے۔