کچھی میں ٹریک کی مرمت سکیورٹی کلیئرنس تک کوئٹہ سے اندرون ملک ٹرین سروس معطل

کوئٹہ( اباسین خبر)کوئٹہ سے اندرون ملک کے لیے ٹرین سروس غیرمعینہ مدت کے لیے معطل کردی گئی ہے۔ریلوے حکام کے مطابق، کوئٹہ سے اندرون ملک ٹرین سروس کی معطلی کا آج چوتھا دن ہے۔ ٹرین سروس کی معطلی غیرمعینہ مدت کے لیے کی گئی ہے، جبکہ ضلع کچھی میں ریلوے ٹریک کی مرمت سکیورٹی کلیئرنس کے بعد شروع ہوگی۔ڈویژنل سپرنٹنڈنٹ ریلویز کوئٹہ، عمران حیات نے بتایا کہ کچھی میں پیروکنری کے قریب ٹریک کی مرمت کے لیے ابھی تک سکیورٹی کلیئرنس نہیں ملی۔ ہماری ٹیمیں مچھ اور مشکاف میں موجود ہیں، اور ٹریک کی مرمت کا کام سکیورٹی کلیئرنس کے بعد شروع ہوگا۔” انہوں نے کہا کہ “پہلے جعفر ایکسپریس کو ٹریک سے ہٹایا جائے گا، پھر مرمت کا کام شروع کیا جائے گا۔