2
نیویارک( مانیٹرنگ ڈیسک)پاکستانی مستقل مندوب منیر اکرم نے کہا ہے کہ اسلامو فوبیا سے ہر سطح پر نمٹنا ضروری ہے۔ انہوں نے اپنے بیان میں کہا کہ کئی ممالک نے اسلامو فوبیا کے خلاف اعلانات کیے ہیں، لیکن اب وقت ہے کہ ان پر عمل کیا جائے۔ پاکستان اور او آئی سی، سیکرٹری جنرل کے ساتھ مل کر اس مسئلے کا مقابلہ کریں گے۔منیر اکرم نے مزید کہا کہ پاکستان نے عالمی سطح پر اسلامو فوبیا کو تسلیم کرانے میں قائدانہ کردار ادا کیا اور جنرل اسمبلی میں اسلامو فوبیا کے خلاف قرارداد منظور کرائی۔ 15 مارچ کو اسلامو فوبیا سے نمٹنے کا عالمی دن منانے کا فیصلہ بھی کیا گیا ہے۔ان کا یہ بھی کہنا تھا کہ اسلامو فوبیا کے خلاف خصوصی سفیر بنانے کا فیصلہ ہو چکا ہے، جس کا اعلان جلد متوقع ہے۔
