راولپنڈی( اباسین خبر)انسداد دہشتگردی عدالت نے 5 اکتوبر احتجاج کیس میں اپوزیشن لیڈر عمر ایوب کی حاضری معافی کی درخواست منظور کرلی۔ راولپنڈی کی عدالت میں عمر ایوب کے خلاف تھانہ صدر حسن ابدال میں درج مقدمات میں عبوری ضمانت کی درخواست پر سماعت ہوئی، جس میں اے ٹی سی کے جج امجد علی شاہ نے درخواست پر فیصلہ سنایا۔دوران سماعت عمر ایوب کے وکلا نے حاضری معافی کی درخواست دی، جو عدالت نے منظور کرلی۔مقدمہ میں نامزد دیگر ملزمان مشال یوسفزئی، صنم جاوید اور احد خٹک کی ضمانتوں پر بھی سماعت ہوئی۔ صنم جاوید عدالت میں پیش ہوئیں، جب کہ مشال یوسفزئی اور احد خٹک پیش نہ ہوئے، تاہم عدالت نے دونوں کی جانب سے دائر حاضری سے ایک روزہ استثنی کی درخواست منظور کرلی۔عدالت نے وکلا کو 19 مارچ کو درخواست ضمانت پر بحث کرنے کا آخری موقع دیتے ہوئے سماعت 19 مارچ تک کے لئے ملتوی کر دی۔ ملزمان کے خلاف تھانہ صدر حسن ابدال میں دہشتگردی ایکٹ سمیت دیگر دفعات کے تحت 2 مقدمات درج ہیں۔
عمر ایوب کی حاضری معافی کی درخواست منظور، عدالت میں سماعت 19 مارچ تک ملتوی
2
