نومئی کے ملزمان کی ضمانت منسوخی کیلئے دائر حکومتی اپیلیں سماعت کیلئے مقرر

اسلام آباد( اباسین خبر)سپریم کورٹ نے نو مئی کے ملزمان کی ضمانت منسوخی کے لیے دائر حکومتی اپیلوں کی سماعت کے لیے تاریخ مقرر کر دی۔چیف جسٹس آف پاکستان جسٹس یحیی آفریدی کی سربراہی میں تین رکنی بنچ 10 مارچ سے اپیلوں پر سماعت کرے گا، جس میں جسٹس مسرت ہلالی اور جسٹس میاں گل حسن اورنگزیب بھی شامل ہوں گے۔پنجاب حکومت نے نو مئی کے ملزمان کی ضمانتیں منسوخ کرنے کے لیے درخواست دائر کی ہے، جس پر 16 اپیلوں کی سماعت 11 مارچ کو ہوگی، جبکہ تین رکنی بنچ 12 مارچ کو 8 اپیلوں کی سماعت کرے گا۔