نئے کابینہ ارکان کو قلمدان تفویض، کابینہ ڈویژن نے نوٹیفکیشن جاری کر دیا

اسلام آباد( اباسین خبر)نئے حلف اٹھانے والے وفاقی وزرا، معاونین خصوصی اور مشیران کو قلمدان سونپ دیے گئے ہیں۔ کابینہ ڈویژن نے وزرا اور وزرائے مملکت کے قلمدانوں کا نوٹیفکیشن جاری کر دیا۔نوٹیفکیشن کے مطابق، ڈاکٹر طارق فضل چودھری کو وفاقی وزیر برائے پارلیمانی امور، علی پرویز ملک کو وفاقی وزیر پٹرولیم، اورنگزیب خان کھچی کو وفاقی وزیر برائے قومی ورثہ، خالد مگسی کو وفاقی وزیر برائے سائنس و ٹیکنالوجی، اور حنیف عباسی کو وزیر ریلوے مقرر کیا گیا ہے۔محمد معین وٹو کو وزیر آبی وسائل اور محمد جنید انور کو وزیر سمندری امور بنایا گیا ہے۔ محمد رضا حیات ہراج کو وزارت دفاعی پیداوار، سردار محمد یوسف کو وزارت مذہبی امور، اور شزا فاطمہ خواجہ کو وزارت آئی ٹی اور ٹیلی مواصلات کا قلمدان سونپا گیا۔رانا مبشر اقبال کو وفاقی وزیر برائے پبلک افیئر یونٹ، سید مصطفی کمال کو وزارت صحت، اور رشید احمد خان کو وزارت غذائی تحفظ و تحقیق کا قلمدان دیا گیا ہے۔وزیر مملکت عبدالرحمان کانجو کو پاور اور پبلک افیئر یونٹ کا اضافی چارج، بلال اظہر کیانی کو وزیر مملکت برائے ریلوے، اور عقیل ملک کو وزیر مملکت برائے قانون و انصاف مقرر کیا گیا۔ کھیل داس کوہستانی کو وزارت مذہبی امور کا وزیر مملکت، عون چودھری کو وزیر مملکت برائے سمندر پار پاکستانی امور، طلال چودھری کو وزیر مملکت برائے داخلہ اور نارکوٹکس کنٹرول، اور وجیہہ قمر کو وزیر مملکت برائے تعلیم و تربیت مقرر کیا گیا۔وفاقی وزیر اعظم نذیر کو وزارت قانون و انصاف کے ساتھ وزارت انسانی حقوق کا قلمدان بھی سونپا گیا ہے، جبکہ مصدق ملک کو موسمیاتی تبدیلی کا وفاقی وزیر مقرر کیا گیا۔ خواجہ آصف کو وزارت دفاع، عطا اللہ تارڑ کو وزارت اطلاعات، اور خالد مقبول صدیقی کو وزارت تعلیم کا قلمدان دیا گیا ہے۔رانا تنویر حسین کو وفاقی وزیر برائے غذائی تحفظ، چودھری سالک حسین کو سمندر پار پاکستانی امور اور انسانی ترقی کا قلمدان، عبدالعلیم خان کو وزارت مواصلات، اور قیصر احمد شیخ کو سرمایہ کاری بورڈ کی وزارت تفویض کی گئی ہے۔