انتظار کی گھڑیاں ختم ،چیمپئنز ٹرافی کا فا تح کون؟ فیصلہ کن معرکہ آج ہوگا

دبئی ( سپورٹس ڈیسک)آج دبئی میں ہونے والی آئی سی سی چیمپئنز ٹرافی کے فائنل میں بھارت اور نیوزی لینڈ کے درمیان سنسنی خیز مقابلہ ہونے جا رہا ہے۔ دونوں ٹیمیں ٹرافی کو اپنے ہاتھوں میں اٹھانے کے لیے بے تاب ہیں، اور یہ میچ کرکٹ کے شائقین کے لیے ایک یادگار موقع بننے والا ہے۔نیوزی لینڈ اور بھارت کے درمیان یہ فائنل 25 سال بعد ہونے جا رہا ہے، جس سے اس میچ کی اہمیت اور بڑھ جاتی ہے۔ بھارت اور نیوزی لینڈ دونوں ہی اس ٹائٹل کو جیتنے کے لیے پوری طرح تیار ہیں۔ بھارت کی نائب کپتان شبمن گل نے دبئی کی کنڈیشنز کو اپنے لیے فائدہ مند قرار دیا ہے، جبکہ نیوزی لینڈ کے کھلاڑی بھی اپنے تجربے کا فائدہ اٹھانے کے لیے تیار ہیں۔بھارتی ٹیم نے سیمی فائنل میں دبا کے باوجود بہترین کھیل پیش کیا، تاہم کیوی کھلاڑی اپنے بالرز کے ساتھ بھارت کے خلاف نئی حکمت عملی اپنانے کے لیے تیار ہیں۔دونوں ٹیموں کی اس فیصلہ کن مقابلے میں کامیابی کے لیے بہترین حکمت عملی اور ٹیم ورک کی ضرورت ہوگی۔ جو ٹیم اپنے دبا کو بہتر طریقے سے سنبھالے گی، وہی اس معرکے میں کامیاب ہو سکتی ہے۔