5
مردان( اباسین خبر) آبپاشی کے نالے پر ہونے والے تنازعے پر دو گروپوں کے درمیان فائرنگ کے نتیجے میں 3 بھائیوں سمیت 4 افراد جاں بحق ہو گئے۔پولیس کے مطابق یہ واقعہ مردان کے علاقے طورو قاسم میرہ کڑپندی میں پیش آیا جہاں آبپاشی کے نالے کے تنازع پر دونوں گروپوں میں جھگڑا ہوا اور فائرنگ کا تبادلہ شروع ہو گیا۔ڈی ایس پی ارشاد خان نے بتایا کہ فائرنگ کے نتیجے میں جاں بحق ہونے والوں میں تین بھائی شامل ہیں، جبکہ فائرنگ سے دو راہگیر بچوں سمیت 3 افراد زخمی بھی ہوئے ہیں۔ زخمیوں کو فوری طور پر اسپتال منتقل کر دیا گیا ہے اور پولیس نے واقعے کی تحقیقات شروع کر دی ہیں۔
