سپرٹیکس؛ آئینی بینچ کا روزانہ سماعت کا فیصلہ

اسلام آباد( کامرس ڈیسک)سپریم کورٹ کے آئینی بینچ نے سپرٹیکس کیس کی سماعت روزانہ کی بنیاد پر کرنے کا فیصلہ کیا ہے۔ جسٹس امین الدین خان کی سربراہی میں پانچ رکنی آئینی بینچ نے کیس کی سماعت کی، جس دوران انہوں نے کہا کہ جسٹس عامر فاروق اسلام آباد ہائیکورٹ میں اس معاملے پر فیصلہ دے چکے ہیں، اس لیے آئینی بینچ دوبارہ تشکیل دینا پڑے گا۔کمپنی وکلا نے کیس کی سماعت عید الفطر کے بعد کرنے کی درخواست کی تھی، تاہم عدالت نے اسے مسترد کر دیا۔ جسٹس محمد علی مظہر نے کہا کہ “فروغ نسیم صاحب، عید تک یہ کیس مکمل نہیں ہوگا، جو کیس چلانا چاہتے ہیں، ان کو تو کیس چلانے دیں۔” عدالت نے اس کے بعد کیس کی سماعت کل تک ملتوی کر دی۔