3
کوئٹہ ( اباسین خبر)بلوچستان ہائی کورٹ میں قائم الیکشن ٹریبونل کے حکم پر نادرا اور الیکشن کمیشن کی رپورٹ میں حلقہ پی بی 40 میں سنگین انتخابی بے قاعدگیوں کا انکشاف ہوا ہے۔ رپورٹ کے مطابق، فارم 48 میں درج 31,167 ووٹوں کے برعکس، الیکشن کمیشن نے نادرا کو صرف 25,415 ووٹوں کے کاونٹر فائل فراہم کیے، جس سے 5,752 ووٹوں کا ریکارڈ غائب ہے۔اسی طرح، الیکٹورل رول کے مطابق حلقے میں 31,167 ووٹ ہونے چاہیے تھے، لیکن الیکشن کمیشن نے نادرا کو صرف 13,918 ووٹوں کا ریکارڈ فراہم کیا، جبکہ 17,249 ووٹوں کا کوئی ریکارڈ موجود نہیں تھا۔ اس انکشاف کے بعد انتخابی عمل میں بے قاعدگیوں کے بارے میں مزید سوالات اٹھائے جا رہے ہیں، اور متعلقہ حکام سے اس معاملے کی تحقیقات کا مطالبہ کیا گیا ہے۔
