کترینہ کیف کی نئی ڈانس ویڈیو سوشل میڈیا پر وائرل

ممبئی ( شو بز ڈیسک)بالی ووڈ کی معروف اداکارہ کترینہ کیف کی ایک نئی ڈانس ویڈیو سوشل میڈیا پر وائرل ہو رہی ہے۔ اس ویڈیو میں کترینہ کیف کو ایک دوست کی شادی میں مشہور بالی ووڈ فلم دہلی 6 کے گانے “گیندا پھول” پر ڈانس کرتے ہوئے دیکھا جا سکتا ہے۔کترینہ کیف اس ویڈیو میں آسمانی اور گلابی رنگ کا خوبصورت لہنگا پہنے بہت ہی دلکش لگ رہی ہیں۔اس ویڈیو کو سوشل میڈیا صارفین کی جانب سے بہت پسند کیا جا رہا ہے اور وہ اداکارہ کی خوبصورتی اور بھارتی تہذیب کے ساتھ بہترین انداز میں میل جول کو سراہ رہے ہیں۔ اس سے پہلے بھی کترینہ کیف کی ماہا کمبھ میلے میں شرکت کی تصاویر اور ویڈیوز نے سوشل میڈیا پر کافی توجہ حاصل کی تھی۔