ماہ رمضان میں سرکاری اداروں کے اوقات کار جاری

اسلام آباد( اباسین خبر)وفاقی حکومت کے ماتحت سرکاری اداروں میں رمضان المبارک کے اوقات کار کا نوٹیفکیشن جاری کر دیا گیا ہے۔ اسٹیبلشمنٹ ڈویژن کی جانب سے جاری کردہ نوٹیفکیشن کے مطابق:ہفتہ کے 5 دن کام کرنے والے دفاتر کے اوقات کار صبح 9 بجے سے 3 بجے تک ہوں گے۔ہفتہ کے 6 دن کام کرنے والے دفاتر کے اوقات کار صبح 9 بجے سے 2 بجے تک ہوں گے۔جمعہ کے روز سرکاری دفاتر کے اوقات کار صبح 9 بجے سے ساڑھے 12 بجے تک ہوں گے۔یہ اوقات کار رمضان المبارک کے دوران نافذ ہوں گے۔