1
فجیرہ( مانیٹرنگ ڈیسک)حاکم فجیرہ نے رمضان المبارک کی آمد پر 111 قیدیوں کی رہائی کا حکم دے دیا۔مقامی میڈیا کے مطابق، فجیرہ کے حاکم اور سپریم کونسل کے رکن شیخ حمد بن محمد الشرقی نے رمضان کے موقع پر فجیرہ کی اصلاحی اور تعزیری اداروں سے 111 قیدیوں کی رہائی کی منظوری دی۔رہائی پانے والے قیدی مختلف قومیتوں سے تعلق رکھتے ہیں اور انہیں ان کے اچھے اخلاق اور مثبت رویے کی بنیاد پر منتخب کیا گیا ہے۔ یہ اقدام شیخ حمد بن محمد الشرقی کی جانب سے قیدیوں کو نئی زندگی شروع کرنے اور ان کے اہل خانہ کو خوشی دینے کے عزم کی عکاسی کرتا ہے۔فجیرہ پولیس کے کمانڈر انچیف، میجر جنرل محمد بن غانم الکعبی نے امید ظاہر کی کہ یہ قیدی اپنی زندگی کا نیا آغاز کریں گے، معاشرے میں مثبت کردار ادا کریں گے اور اچھے اخلاق کا مظاہرہ کریں گے۔
