معروف اداکار سعد قریشی کے ہاں بیٹی کی پیدائش

لاہور( شوبز ڈیسک)پاکستانی معروف اداکار سعد قریشی نے انسٹاگرام پر مداحوں کے ساتھ اپنی خوشی میں شریک ہونے کی خبر دی۔اداکار نے فوٹو اینڈ ویڈیو شیئرنگ پلیٹ فارم انسٹاگرام پر ایک پوسٹ شیئر کی جس میں انہوں نے اپنی بیٹی کی پیدائش کی اطلاع دی۔ سعد قریشی نے پوسٹ کے ساتھ اپنی بیٹی کے ساتھ ایک تصویر بھی شیئر کی، جس میں ان کی ننھی پری ان کے ہاتھ کی ایک انگلی پکڑے ہوئے نظر آ رہی ہے۔اداکار نے اس تصویر کے ساتھ ایک خوبصورت کیپشن بھی لکھا جس میں اپنی بیٹی کو اس دنیا میں خوش آمدید کہا۔ انہوں نے لکھا، “اس دنیا میں خوش آمدید میری ننھی شہزادی۔”بیٹی کی پیدائش کی خوشخبری کے بعد سوشل میڈیا پر مداحوں، دوستوں اور ساتھی فنکاروں کی جانب سے اداکار اور ان کے اہل خانہ کو مبارکباد اور نیک خواہشات کا سلسلہ شروع ہو گیا ہے۔