اللہ ہر چیز پر قادر، مذہب کی جانب جھکاؤ نے کیریئر پر اثر ڈالا: فرحان علی

کراچی ( شو بز ڈیسک)معروف ٹی وی اداکار اور میزبان فرحان علی آغا نے اپنی زندگی میں اسلام کی طرف راغب ہونے اور اصلاحی پروگراموں میں شرکت سے آنے والی تبدیلیوں کا ذکر کیا ہے اور بتایا کہ اس نے نہ صرف ان کی ذاتی زندگی بلکہ کیریئر پر بھی اثر ڈالا۔مقامی میڈیا سے ایک انٹرویو میں فرحان علی آغا نے اپنے شوبز کیریئر کے دوران مذہب کی طرف رجوع کرنے اور اسلامی تعلیمات کی آ گاہی کے فروغ کے لئے کیے جانے والے کاموں کے تجربات شیئر کیے۔انہوں نے کہا، “میں نے اس سے یہ سیکھا کہ اگر آپ درست سمت میں چل رہے ہوں تو کوئی آپ کو نقصان نہیں پہنچا سکتا۔ اللہ نے مجھے ہر چیز سے نوازا ہے اور لوگوں کی ہزاروں کوششوں کے باوجود میں کبھی کسی چیز سے محروم نہیں رہا۔”فرحان علی آغا نے مزید بتایا کہ 2003 میں پیش آنے والے ایک حادثے کے دوران لوگوں کی محبت کا اندازہ ہوا، جب ان کے خیال رکھنے کے لیے لوگوں کی ایک لائن لگ گئی تھی۔