اسلام آباد( مانیٹرنگ ڈیسک)پاکستان اور چین کے درمیان خلا بازی کے شعبے میں ایک اہم معاہدہ طے پا گیا ہے جس کے تحت پاکستان کا پہلا خلا باز چینی اسپیس اسٹیشن مشن پر روانہ ہوگا۔سپارکو کے ترجمان کے مطابق یہ معاہدہ چین کی مینڈ اسپیس ایجنسی کے ساتھ باہمی تعاون کے تحت کیا گیا ہے۔ معاہدے کے مطابق، پاکستان کے پہلے خلا باز کو چینی خلائی اسٹیشن “تیانگونگ” کے مشن پر بھیجا جائے گا، جہاں دو پاکستانی خلا باز چین کے ایسٹروناٹ سینٹر میں تربیت حاصل کریں گے۔ترجمان نے بتایا کہ خلا باز کو سائنسی پے لوڈ اسپیشلسٹ کے طور پر تربیت دی جائے گی اور اس کا مشن سائنسی تحقیق پر مبنی ہوگا۔ خلا باز کے انتخاب کا عمل 2026 تک مکمل کر لیا جائے گا۔چین اسپیس اسٹیشن کے منصوبے کے تحت آئندہ مشن میں پاکستان کے خلا باز کی شمولیت اس بات کا غماز ہے کہ پاکستان کا مشن جدید سائنسی تجربات پر مشتمل ہوگا۔وفاقی وزیر احسن اقبال نے معاہدے کی تقریب سے خطاب کرتے ہوئے کہا کہ اس معاہدے کے ذریعے ٹیکنالوجی میں جدت اور تحقیق کے فروغ میں اہم کردار ادا کیا جائے گا۔ چین کے ڈی جی سی ایم ایس اے شی چیانگ نے کہا کہ چین خلائی تحقیق میں بین الاقوامی تعاون کو فروغ دینے کے لیے پرعزم ہے اور پاکستان کی شمولیت دونوں ملکوں کے مضبوط تعلقات کی عکاسی کرتی ہے۔
پاکستان کے پہلے خلا باز کی تربیت اور مشن پر روانگی کیلئےچین کیساتھ معاہدہ
5
