3
لاہور( سپورٹس ڈیسک)پاکستان کی خواتین کرکٹرز کا تربیتی کیمپ فیصل آباد میں ختم ہو گیا، جو کہ آئی سی سی ویمنز ورلڈ کپ کوالیفائنگ راونڈ کی تیاری کے لیے لگایا گیا تھا۔کیمپ 28 روز تک ہیڈ کوچ محمد وسیم کی نگرانی میں جاری رہا، جس میں خواتین کھلاڑیوں نے اقبال اسٹیڈیم اور ہائی پرفارمنس سینٹر میں مختلف تربیتی سیشنز میں حصہ لیا۔کیمپ کے دوران کھلاڑیوں کو بیٹنگ، بولنگ اور فیلڈنگ کی عملی مشقیں کرائی گئیں، اور ٹیموں کے درمیان پریکٹس میچز بھی کھیلے گئے۔ اس کے علاوہ، خواتین کھلاڑیوں کے فٹنس ٹیسٹ بھی لیے گئے۔
