جیلوں میں قید کم عمر ملزمان کی تفصیلات کیلئے درخواست پر حکومت سے جواب طلب

لاہور( اباسین خبر)لاہور ہائیکورٹ نے صوبہ بھر کی جیلوں میں قید کم عمر ملزمان کی تفصیلات کے لیے دائر درخواست پر وفاقی حکومت سمیت دیگر فریقین سے 29 اپریل کو جواب طلب کر لیا۔لاہور ہائیکورٹ کے جسٹس شاہد کریم نے خدیجہ وزیر کی درخواست پر سماعت کی۔ درخواست گزار کی جانب سے سید معظم علی شاہ ایڈووکیٹ نے دلائل دیے۔وکیل درخواست گزار نے مقف اپنایا کہ جوینائل ایکٹ کی دفعہ 10 پر عملدرآمد نہیں ہو رہا، پنجاب میں نابالغ قیدیوں کے ٹرائل میں تاخیر ہو رہی ہے، اور نابالغ قیدیوں کے زیر التوا کیسز کی تفصیلات معلوم نہیں۔ انہوں نے کہا کہ سیشن ججز جوینائل جسٹس سسٹم کی ہر ماہ میٹنگ کے پابند ہیں۔درخواست گزار کے وکیل نے استدعا کی کہ عدالت جوینائل ایکٹ کی دفعہ 10 پر عملدرآمد کا حکم دے اور نابالغ قیدیوں کے کیسز کی تفصیلات طلب کرے۔بعد ازاں، لاہور ہائیکورٹ نے درخواست پر وفاقی حکومت سمیت دیگر فریقین سے 29 اپریل تک جواب طلب کر لیا۔