رمضان المبارک کیلئے اسلام آباد ہائیکورٹ کے عدالتی اوقات کار تبدیل

اسلام آباد( اباسین خبر)رمضان المبارک کے دوران اسلام آباد ہائی کورٹ کے نئے عدالتی اوقات کار جاری کر دیئے گئے۔قائم مقام چیف جسٹس اسلام آباد ہائیکورٹ جسٹس سرفراز ڈوگر کی منظوری کے بعد رجسٹرار آفس نے نوٹیفکیشن جاری کیا۔نوٹیفکیشن کے مطابق، رمضان المبارک میں اسلام آباد ہائی کورٹ میں کیسز کی سماعت ساڑھے 9 بجے سے ساڑھے 11 بجے تک ہوگی، جس کے بعد ساڑھے 11 سے 12 بجے تک کا وقفہ رکھا جائے گا۔ 12 بجے سے ڈیڑھ بجے تک دوبارہ کیسز کی سماعتیں ہوں گی۔جمعہ کے روز کیسز کی سماعت ساڑھے 9 بجے سے ساڑھے 11 بجے تک کی جائے گی، اور اسلام آباد ہائی کورٹ میں دفتری اوقات کار 9 بجے سے 2:30 بجے تک ہوں گے۔ جمعہ کے روز دفتری اوقات کار 9 بجے سے ساڑھے 12 بجے تک ہوں گے۔اسی طرح ڈسٹرکٹ اینڈ سیشن کورٹس اسلام آباد میں کیسز کی سماعت صبح 9 بجے سے اڑھائی بجے تک ہوگی، جبکہ جمعہ کے روز صبح 9 بجے سے ساڑھے 12 بجے تک کیسز کی سماعت کی جائے گی۔