واٹس ایپ نے 1 ماہ میں 84 لاکھ بھارتی اکاؤنٹس بند کر دیے

ممبئی ( مانیٹرنگ ڈیسک)دنیا بھر میں پیغام رسانی کے لیے سب سے زیادہ استعمال کیے جانے والے پلیٹ فارم واٹس ایپ نے ایک ماہ کے دوران بھارت میں 8.4 ملین (84 لاکھ) سے زائد اکانٹس بند کر دیے ہیں۔ یہ کارروائی واٹس ایپ کی پیرنٹ کمپنی میٹا کی جانب سے جعلی سرگرمیوں اور مشکوک اکانٹس کے پیشِ نظر کی گئی۔میڈیا رپورٹس کے مطابق، اگست 2024 میں واٹس ایپ کو 10,707 صارفین کی جانب سے شکایات موصول ہوئیں، جن میں سے 93 فیصد پر فوری کارروائی کی گئی۔ میٹا نے انفارمیشن ٹیکنالوجی ایکٹ کے تحت بھارت میں تقریبا 8.45 ملین واٹس ایپ اکانٹس بند کر دیے ہیں۔واٹس ایپ نے بتایا کہ اکانٹس کی پابندی صارفین کی جانب سے فراڈ اور مشکوک سرگرمیوں کی اطلاعات ملنے پر کی گئی، اور اس کا مقصد پلیٹ فارم کی سالمیت کے تحفظ کو مزید مضبوط بنانا ہے۔ اس پابندی کے تحت 1.66 ملین اکانٹس کو سنگین خلاف ورزیوں کی بنیاد پر فوری طور پر بلاک کیا گیا، جبکہ باقی اکانٹس کو تحقیقات کے بعد مشکوک قرار دے کر بند کیا گیا۔