رمضان المبارک کیلئے سکولوں کے اوقات کار میں تبدیلی

لاہور( ایجوکیشن ڈیسک)رمضان المبارک کے دوران سکولوں کے اوقات کار میں تبدیلی کردی گئی ہے۔نئے شیڈول کے مطابق رمضان کے مہینے میں سکول صبح ساڑھے آٹھ بجے شروع ہوں گے اور ایک بجے چھٹی ہوگی۔ جمعہ کے روز سکولوں میں چھٹی کا وقت ساڑھے بارہ بجے ہوگا۔ڈبل شفٹ والے سکولوں میں پہلی شفٹ ساڑھے آٹھ بجے شروع ہو کر ساڑھے بارہ بجے ختم ہوگی، جبکہ دوسری شفٹ کا آغاز ایک بجے ہوگا اور چھٹی چار بجے ہوگی۔ جمعہ کے دن دوسری شفٹ کا آغاز اڑھائی بجے ہوگا اور چھٹی پانچ بجے ہوگی۔