مریم نواز معیاری ترقیاتی منصوبوں کیلئے علی امین گنڈاپور سے خاص تربیت لیں: بیرسٹر سیف

پشاور( اباسین خبر)مشیر اطلاعات پختونخوا بیرسٹر ڈاکٹر سیف نے مریم نواز کو معیاری ترقیاتی منصوبوں کے حوالے سے علی امین گنڈاپور سے تربیت لینے کی تجویز دی ہے۔اپنے بیان میں بیرسٹر سیف نے کہا کہ مریم نواز نے جعلی وزیرِ اعلی بن کر سڑکوں کو چونا لگانے کی کوشش کی، جس سے قومی خزانے کو نقصان پہنچا۔ انہوں نے کہا کہ پہلی بارش نے بائیکرز کے لیے بنائے گئے کروڑوں روپے کے منصوبے کی حقیقت کھول کر رکھ دی۔لاہور کا گرین لائن منصوبہ بھی مریم نواز کے تمام منصوبوں کی عکاسی کرتا ہے۔ بیرسٹر سیف کا کہنا تھا کہ مریم نواز کو معیاری ترقیاتی منصوبوں کے لیے علی امین گنڈاپور سے خصوصی تربیت لینے کی ضرورت ہے کیونکہ ترقیاتی منصوبوں میں کام سے زیادہ کمیشن لینا شریف خاندان کا پرانا طریقہ ہے۔رہنما پی ٹی آئی نے مزید کہا کہ عوام کے ٹیکسوں کا پیسہ راج کماری مریم نواز اپنی نااہلی کی نذر کر رہی ہیں، اور پنجاب کے تمام منصوبے بھی جعلی وزیرِ اعلی کی طرح جعلی ثابت ہو رہے ہیں۔