ایس آئی ایف سی کی سہولت کاری سے پاک سعودی تجارتی تعلقات کا فروغ

اسلام آباد( کامرس ڈیسک)سعودی عرب کے ساتھ تجارتی تعلقات میں اضافے سے پاکستانی معیشت کو فروغ مل رہا ہے، خاص طور پر خصوصی سرمایہ کاری سہولت کونسل (ایس آئی ایف سی) کی معاونت سے۔پاکستان کی سعودی عرب کو برآمدات میں 22 فیصد اضافہ، تجارتی حجم 546 ملین ڈالر سے بڑھ کر 700 ملین ڈالر تک پہنچ چکا ہے۔ سعودی سرمایہ کاروں نے توانائی، زراعت، آئی ٹی اور تعمیرات کے شعبوں میں دلچسپی ظاہر کی ہے۔پاکستان کی آئی ٹی خدمات کی برآمدات کا ہدف 50 ملین ڈالر سے بڑھا کر 100 ملین ڈالر رکھا گیا ہے۔ سعودی عرب میں پاکستانی آئی ٹی کمپنیوں کی رجسٹریشن میں سہولت کے لیے ہیلپ ڈیسک قائم کیا گیا ہے۔سعودی فوڈ چین البیک کا پاکستان میں برانچز کھولنے کا اعلان خوش آئند ہے، جس سے روزگار کے نئے مواقع پیدا ہوں گے۔ ایس آئی ایف سی کے تعاون سے تجارتی تعلقات میں استحکام آ رہا ہے۔