اسرائیلی وزیرِ اعظم کا مغربی کنارے میں فوجی آپریشن تیز کرنے کا حکم

تل ابیب ( مانیٹرنگ ڈیسک)اسرائیلی وزیرِ اعظم نیتن یاہو نے تل ابیب میں 3 بسوں میں دھماکوں کے بعد مغربی کنارے میں فوجی آپریشن تیز کرنے کا حکم دے دیا۔ اسرائیلی میڈیا کے مطابق، نیتن یاہو نے حماس کے ساتھ جنگ بندی کے دوسرے مرحلے میں نئے مطالبات پیش کرنے کا حکم بھی دیا ہے۔تل ابیب کے قریب بسوں میں دھماکے: تل ابیب کے قریب بات یام میں کھڑی 3 بسوں میں دھماکے ہوئے تھے، تاہم خوش قسمتی سے کوئی جانی نقصان نہیں ہوا۔حماس کی جانب سے یرغمالیوں کی لاشیں اسرائیل کے حوالے: اس کے علاوہ، حماس نے غزہ جنگ بندی معاہدے کے تحت 4 یرغمالیوں کی لاشیں ریڈ کراس کے ذریعے اسرائیل کے حوالے کر دی ہیں۔ ہلاک ہونے والے یرغمالیوں میں اسرائیلی خاتون شیری بیباس، ان کے 2 بچے اور اوڈید لفشٹز شامل ہیں۔اسرائیل اور حماس کے درمیان جنگ بندی کے بعد اس قسم کے واقعات دونوں فریقین کے درمیان کشیدگی کو بڑھا سکتے ہیں، جس کے باعث نیتن یاہو نے اپنے فوجی آپریشنز کو تیز کرنے کا فیصلہ کیا ہے۔