3
قصور( اباسین خبر)قصور میں کیری ڈبہ نالے میں گرنے کے باعث 8 افراد جاں بحق اور 2 زخمی ہوگئے۔حادثہ رائے ونڈ روڈ پر کھارا موڑ کے قریب پیش آیا۔ ابتدائی معلومات کے مطابق کیری ڈبے کا ڈرائیور نیند کی حالت میں تھا جس کی وجہ سے یہ حادثہ پیش آیا۔پولیس اور ریسکیو ٹیموں نے فوری طور پر موقع پر پہنچ کر امدادی کارروائیاں شروع کیں۔ ریسکیو ذرائع کے مطابق جاں بحق ہونے والوں میں مقصود، سنی، سلیم، عمران، لبا شامل ہیں، جبکہ 3 افراد کی شناخت ابھی تک نہیں ہو سکی۔ریسکیو عملے نے جاں بحق ہونے والوں کی لاشوں اور زخمیوں کو فوری طور پر طبی امداد کے لیے ہسپتال منتقل کر دیا۔ پولیس نے اس حادثے کی تحقیقات شروع کر دی ہیں۔
