سب سے زیادہ کیچز، کوہلی نے اظہرالدین کا ریکارڈ برابر کر دیا

دبئی( سپورٹس ڈیسک)بھارتی کرکٹر ویرات کوہلی نے بھارت کی جانب سے ون ڈے کرکٹ میں سب سے زیادہ کیچز کا سابق کپتان اظہر الدین کا ریکارڈ برابر کر دیا۔ویرات کوہلی نے جمعرات کو آئی سی سی چیمپئنز ٹرافی میں بنگلا دیش کے خلاف میچ کے دوران 43 ویں اوور میں محمد شامی کی گیند پر جاکر علی کا کیچ پکڑا اور یہ کارنامہ انجام دیا۔یہ ویرات کوہلی کا ون ڈے کرکٹ میں 156 واں کیچ تھا جس کے ساتھ ہی وہ سابق کپتان محمد اظہرالدین کے برابر پہنچ گئے۔ محمد اظہرالدین نے 334 ون ڈے میچز میں 156 کیچز کیے تھے، جبکہ ویرات کوہلی نے اتنے ہی کیچز 298 میچز میں کیے۔بھارت کی جانب سے ون ڈے کرکٹ میں سب سے زیادہ کیچز کرنے کی فہرست میں سچن ٹنڈولکر کا اگلا نمبر ہے جنہوں نے اس فارمیٹ میں 140 کیچز کیے ہیں۔واضح رہے کہ ون ڈے کرکٹ میں سب سے زیادہ کیچز کا عالمی ریکارڈ سری لنکا کے سابق کپتان مہیلا جے وردھنے کے پاس ہے جنہوں نے 448 میچز میں 218 کیچز کیے۔