7
کوئٹہ ( اباسین خبر)کوئٹہ میں ریلوے پھاٹک پر تعینات ڈیلی ویجز ملازمین کی تنخواہیں گزشتہ نو ماہ سے روک لی گئی ہیں جس کے باعث وہ شدید مالی مشکلات کا شکار ہیں۔ ملازمین کا کہنا ہے کہ وہ اپنی ذمہ داریاں ایمانداری سے انجام دے رہے ہیں، لیکن مسلسل تنخواہوں کی عدم ادائیگی نے ان کے لیے گھریلو اخراجات پورے کرنا مشکل بنا دیا ہے۔ متاثرہ ملازمین نے ڈی ایس ریلوے اور سی ای او ریلوے امیر بلوچ سے درخواست کی ہے کہ وہ اس سنگین مسئلے کا نوٹس لیں اور فوری طور پر رکی ہوئی تنخواہیں جاری کریں تاکہ وہ اپنے اہل خانہ کی ضروریات پوری کر سکیں۔
