8
لاہور ( اباسین خبر)لاہور پولیس نے کرپشن کے الزامات میں دو ایس ایچ اوز کے خلاف ایک نئی مثال قائم کرتے ہوئے ان کے اپنے ہی تھانوں میں مقدمات درج کیے ہیں۔ڈی آئی جی آپریشنز فیصل کامران کے مطابق، ایس ایچ او ڈیفنس اے میاں سجاد نے منشیات کے تین ملزمان سے 17 لاکھ روپے رشوت لے کر انہیں چھوڑ دیا تھا۔ الزامات کی تحقیقات کے بعد ایس ایچ او میاں سجاد کے خلاف مقدمہ درج کر کے انہیں گرفتار کر لیا گیا۔اسی طرح ایس ایچ او فیصل ٹان سلیمان اکبر اور کانسٹیبل مقبول شاکر کے خلاف اختیارات کے ناجائز استعمال پر دفعہ 155 سی کے تحت مقدمہ درج کیا گیا ہے۔ فیصل کامران نے مزید بتایا کہ ایس ایچ او فیصل ٹان سلیمان اکبر کی گرفتاری کے لیے چھاپے مارے جا رہے ہیں۔
