7
کراچی( اباسین خبر)کراچی ایئرپورٹ پر امیگریشن حکام نے اسٹوڈنٹ ویزا رکھنے والے 7 افراد سمیت 86 مسافروں کو مختلف وجوہات کی بنا پر آف لوڈ کردیا۔ ان میں سے 30 عمرہ زائرین کو ایڈوانس ہوٹل بکنگ اور اخراجات کے لیے مطلوبہ رقم نہ ہونے کی وجہ سے سفر کرنے کی اجازت نہیں دی گئی۔ایمیگریشن حکام نے کہا کہ اسٹوڈنٹ ویزا پر جانے والے 7 نوجوانوں کو جن میں قبرص، برطانیہ، آذربائیجان اور کرغزستان شامل ہیں، آف لوڈ کردیا گیا۔اس کے علاوہ مختلف ممالک جیسے سعودیہ، عمان، آذربائیجان، ملاوی، کانگو، بحرین، ملائشیا، انڈونیشیا، جنوبی افریقہ، تھائی لینڈ، ترکی اور زمبابوے کے ٹورسٹ ویزوں پر سفر کرنے والے افراد کو بھی آف لوڈ کیا گیا۔ ورک ویزوں پر بلیک لسٹ افراد بھی سفر نہیں کر سکے۔
