کراچی؛ یونیورسٹی روڈ پر فائرنگ سے نوجوان قتل، شناخت نہیں ہو سکی

کراچی ( اباسین خبر)کراچی کے علاقے یونیورسٹی روڈ سمامہ پل پر نامعلوم افراد کی فائرنگ سے 30 سالہ نوجوان جاں بحق ہوگیا۔ پولیس کے مطابق مقتول کا تعلق مبینہ ٹاون کے علاقے سے تھا اور اس کی لاش عباسی شہید اسپتال منتقل کی گئی۔پولیس کے مطابق مقتول کی شناخت کا عمل جاری ہے کیونکہ مقتول کے پاس کوئی ایسی چیز نہیں ملی جس سے اس کی شناخت کی جا سکے۔ پولیس کا کہنا تھا کہ مقتول کی موٹرسائیکل نئی تھی جس پر لگے اسٹیکر سے یہ اندازہ لگایا جا رہا ہے کہ وہ 25 جنوری 2025 کو خریدی گئی تھی اور اس کی رجسٹریشن ابھی تک نہیں ہوئی تھی۔ایس ایچ او مبینہ ٹاون، سب انسپکٹر محمد نواز نے کہا کہ پولیس واقعے کی تحقیقات کر رہی ہے۔ مقتول کی لاش پولیس کارروائی کے بعد سردخانے میں امانتا رکھوا دی گئی ہے تاکہ اس کی شناخت کے بعد ورثا کو دی جا سکے۔