چیمپئنز ٹرافی کے میچز، کراچی کیلئے ٹریفک پلان تیار

کراچی( سپورٹس ڈیسک)کراچی پولیس نے نیشنل سٹیڈیم میں سہ فریقی سیریز اور چیمپئنز ٹرافی میچز کے دوران ٹریفک کے انتظامات کے لیے ایک تفصیلی پلان جاری کیا ہے۔ ٹریفک پولیس کے مطابق، میچز 12 سے 14 فروری، 19 سے 21 فروری اور یکم مارچ کو کھیلے جائیں گے، اور ان دنوں میں سرشاہ سلیمان روڈ کو ٹریفک کے لیے کھلا رکھا جائے گا۔ٹریفک پلان کے مطابق:کارساز سے آنے والے شائقین نیشنل کوچنگ سینٹر اور چائنہ گرانڈ میں اپنی گاڑیاں پارک کر سکیں گے۔ملینیم اور نیو ٹان سے آنے والے شائقین بھی نیشنل کوچنگ سینٹر اور چائنہ گرانڈ میں اپنی گاڑیاں پارک کریں گے۔ہیوی ٹریفک سہراب گوٹھ سے نیپا اور لیاقت آباد نمبر 10 سے حسن سکوائر تک جائے گی، جبکہ پی پی چورنگی سے آنے والی ہیوی ٹریفک یونیورسٹی روڈ تک جا سکے گی۔کارساز سے سٹیڈیم، ملینیم تا نیو ٹان، سٹیڈیم سگنل تا حسن سکوائر سڑک ہیوی ٹریفک کے لیے بند ہو گی، اور گاڑیاں مختص پارکنگ مقامات پر ہی پارک کی جائیں گی۔یہ پلان میچز کے دوران ٹریفک کی روانی کو بہتر بنانے اور شائقین کو سہولت دینے کے لیے مرتب کیا گیا ہے۔