لاہور سے کراچی جانیوالی شالیمار ایکسپریس کو حادثہ

لاہور( اباسین خبر)لاہور سے کراچی جانے والی شالیمار ایکسپریس شاہدرہ کے قریب حادثے کا شکار ہو گئی۔ریلوے ذرائع کے مطابق شاہدرہ ریلوے اسٹیشن کے قریب شالیمار ایکسپریس کی تین بوگیاں پٹڑی سے اتر گئیں، جن میں سے ایک بوگی پل سے نیچے جا گری۔ذرائع نے بتایا کہ حادثے کے باعث اپ اینڈ ڈان ٹریک بند ہو گیا، جس کے نتیجے میں لاہور سے فیصل آباد جانے والی ٹرینوں کا شیڈول متاثر ہوا۔ریلوے حکام کے مطابق ریلیف کرین شاہدرہ اسٹیشن روانہ کر دی گئی ہے، تاہم حادثے میں کسی جانی نقصان کی اطلاع نہیں ملی۔