1
غزہ ( مانیٹرنگ ڈیسک)غزہ میں حماس نے القسام بریگیڈز کے سربراہ محمد الضیف کی شہادت کا اعلان کیا ہے۔ حماس کے ترجمان ابو عبیدہ نے ویڈیو بیان میں کہا کہ محمد الضیف المواسی کیمپ پر ہونے والے حملے میں شہید ہوئے۔ اس حملے میں محمد الضیف کے نائب مروان عیسی، غازی ابو طماعہ، رائد ثابت، رافع سلامہ، احمد الغندور اور ایمن نوفل بھی شہید ہوگئے۔محمد الضیف 1965 میں غزہ کے علاقے خان یونس میں پیدا ہوئے اور سلاح شہادہ کی شہادت کے بعد انہیں القسام بریگیڈز کا سربراہ مقرر کیا گیا تھا۔ اسرائیل کی جانب سے انہیں “نو زندگیوں والا” کہا جاتا تھا، کیونکہ وہ کئی بار اسرائیلی حملوں سے بچ چکے تھے۔ محمد الضیف کی شہادت ایک بڑا نقصان ہے اور اس کا اثر غزہ میں جاری حالات پر بھی پڑے گا۔
