1
پشاور( اباسین خبر)سی ٹی ڈی خیبر پختونخوا کی رپورٹ کے مطابق 2024 میں دہشت گردوں کے خلاف 3,238 آپریشنز کیے گئے، جن میں 12 کلو سونا بھی دہشت گردوں سے برآمد ہوا۔ اس دوران 2023 میں 2,531 آپریشنز کیے گئے، جن میں 300 دہشت گرد ہلاک اور 917 گرفتار ہوئے۔جنوری 2025 میں بھی دہشت گردوں کے خلاف 179 انٹیلی جنس بیسڈ آپریشنز کیے گئے جس کے نتیجے میں 10 دہشت گرد ہلاک ہوئے اور 72 کو گرفتار کیا گیا۔ اس کے علاوہ، لکی مروت میں کالعدم تنظیم کے 3 انتہائی مطلوب دہشت گردوں کو گرفتار کیا گیا۔سی ٹی ڈی نے دہشت گردی کے خلاف کارروائیاں مزید مثر بنانے کے لیے جدید ہتھیاروں، آلات اور ڈرون کیمرے فراہم کیے ہیں اور 7 سے بڑھا کر 15 ریجنز میں سی ٹی ڈی کی سطح پر کارروائیاں کی جا رہی ہیں۔ اس کے علاوہ، صوبے میں سینٹرل انٹیلی جنس ہیڈ کوارٹرز بھی قائم کیے گئے ہیں۔
