60 ویں نیشنل ٹیبل ٹینس چیمپئن شپ، پاک آرمی نے میدان مار لیا

لاہور( سپورٹس ڈیسک)پاکستان آرمی نے 60 ویں نیشنل ٹیبل ٹینس چیمپئن شپ میں شاندار کارکردگی کا مظاہرہ کرتے ہوئے اپنے اعزاز کا کامیابی سے دفاع کیا۔ چیمپئن شپ میں 12 ٹیموں نے حصہ لیا اور پاکستان آرمی نے 7 طلائی، ایک چاندی اور 4 کانسی کے تمغوں کے ساتھ میدان مارا۔ یہ تیسرا موقع ہے جب پاکستان آرمی کی ٹیم نے اس چیمپئن شپ میں شاندار فتح حاصل کی ہے۔پاکستان آرمی کی ٹیم نے مینز اور ویمنز دونوں ایونٹس میں طلائی تمغے جیت کر ایک نئی تاریخ رقم کی۔ واپڈا کی ٹیم نے 5 چاندی اور 2 کانسی کے تمغے جیت کر دوسری پوزیشن حاصل کی۔ یہ چیمپئن شپ نہ صرف پاکستان آرمی کی ٹیبل ٹینس کی صلاحیتوں کو ظاہر کرتی ہے بلکہ ملک میں اس کھیل کے بڑھتے ہوئے معیار کا بھی عکاس ہے۔