بالائی بلوچستان میں بارش اور برف باری کا امکان

کو ئٹہ ( اباسین خبر)محکمہ موسمیات کے مطابق بلوچستان کے شمالی اضلاع میں سردی کی لہر نے شدت اختیار کر لی ہے۔ بلوچستان کی پرووینشل ڈیزاسٹر مینجمنٹ اتھارٹی (پی ڈی ایم اے) کے مطابق توبہ اچکزئی، توبہ کاکڑی، اور کان مہتر زئی میں درجہ حرارت منفی 4 ڈگری تک گر گیا ہے، جبکہ بالائی علاقوں میں درجہ حرارت منفی 8 سے 10 ڈگری تک رہنے کا امکان ہے۔آج شام یا رات گئے بالائی بلوچستان میں بارش اور برف باری کی پیش گوئی کی گئی ہے۔چمن کے بالائی اضلاع میں برف باری کے باعث معمولاتِ زندگی متاثر ہیں۔ متاثرین کا کہنا ہے کہ برف باری کے اثرات صرف بالائی مرکزی رابطہ سڑکوں پر بحال کیے جا سکے ہیں، جبکہ دیہات کی بیشتر رابطہ سڑکوں کی بحالی کا کام ابھی شروع نہیں ہو سکا۔دوسری جانب، پی ڈی ایم اے نے چمن میں حالیہ برف باری سے متاثرہ خاندانوں کو رمضان فوڈ پیکیج دینے کا فیصلہ کیا ہے۔