3
راولپنڈی( اباسین خبر)ہولی فیملی اسپتال کے قریب ریسٹورنٹ میں گیس سلنڈر کے دھماکے میں 9 افراد زخمی ہوگئے۔ایکسپریس نیوز کے مطابق، پنڈی میں ہولی فیملی اسپتال کے قریب ریسٹورنٹ میں ہونے والے دھماکے میں 9 افراد زخمی ہوئے، جنہیں فورا اسپتال منتقل کر دیا گیا۔ دھماکے کے فورا بعد پولیس اور امدادی ادارے موقع پر پہنچ گئے۔سیکیورٹی اداروں نے ابتدائی طور پر دھماکے کو گیس سلنڈر کا بلاسٹ قرار دیا ہے۔ زخمیوں میں عادل، محمد حمید، نازک حسین، لیاقت حسین، سلمان، عنصر شہزاد، خلیل، احمد اور آدم نصیر شامل ہیں۔
