نیویارک( شو بز ڈیسک)فلمی دنیا کے معتبر ترین آسکرز ایوارڈ کی نامزدگیوں کا اعلان کر دیا گیا۔نیٹ فلکس کی ہسپانوی زبان کی فلم Emilia Perez نے 13 نامزدگیوں کے ساتھ سب سے زیادہ ایوارڈز کی دوڑ میں جگہ بنائی، جبکہ فلم The Brutalist اور Wicked نے 10،10 نامزدگیاں حاصل کیں۔یہ تینوں فلمیں بہترین فلم کا ٹائٹل جیتنے کے لیے مقابلہ کریں گی۔بہترین اداکارہ کے ایوارڈ کے لیے Emilia Perez کی سٹار کارلا سوفیا سمیت اداکارہ ڈیمی مور بھی نامزد ہوئیں، جو اپنے 4 دہائیوں کے کیریئر میں پہلی بار آسکر نامزدگی حاصل کر رہی ہیں۔دوسری جانب بہترین اداکارہ کی کیٹیگری میں سنتھیا اریوو، مائیکی میڈیسن اور فرنینڈا ٹورس بھی نامزد ہیں۔بہترین اداکار کے ایوارڈ کے لیے ایڈرین بروڈی، تیموتھی شالمے، کولمین ڈومنگو، رالف فائنز اور سیبیسٹین اسٹین بھی مقابلہ کریں گے۔یاد رہے کہ لاس اینجلس کے جنگلات کی آگ کی وجہ سے نامزدگیوں کا اعلان 2 بار ملتوی کیا گیا تھا، اور اب 97 ویں آسکرز ایوارڈز 2 مارچ 2025 کو منعقد ہوں گے۔
97 ویں آسکرز ایوارڈ کیلئے نامزدگیوں کا اعلان
4
