10
وا شنگٹن( مانیٹرنگ ڈیسک)امریکا کے سابق صدر براک اوباما نے طلاق کی افواہوں کی تردید کرتے ہوئے اپنی اہلیہ مشعل اوباما کے ساتھ مسکراہٹ بھری تصویر جاری کی۔سابق خاتون اول مشعل اوباما کی 61 ویں سالگرہ کے موقع پر براک اوباما نے انہیں اپنی زندگی کی محبت قرار دیا۔ 63 برس کے براک اوباما اور مشعل تیس سال سے رشتہ ازدواج میں منسلک ہیں، لیکن پچھلے کچھ ماہ میں براک اوباما کئی اہم موقعوں پر تنہا نظر آئے تھے، اور مشعل اوباما سابق صدر جمی کارٹر کی آخری رسومات اور امریکی صدر ٹرمپ کی حلف برداری کی تقریب میں بھی شریک نہیں ہوئیں۔افواہوں کا جواب دیتے ہوئے اوباما نے تصویر کے ساتھ لکھا کہ مشعل جہاں بھی ہوں، وہ کمرہ گرمجوشی، ذہانت، مسکراہٹوں اور شائستگی سے بھرا ہوگا۔ مشعل اوباما نے بھی جوابی پیغام میں اپنے شوہر سے محبت کا اظہار کر کے افواہوں کا خاتمہ کیا۔
