بلوچستان کے مختلف علاقوں میں بارش اور برفباری کا سلسلہ جاری

کوئٹہ ( اباسین خبر)کوئٹہ میں گزشتہ دو دنوں سے جاری بارش اور برفباری کے دوران بلوچستان کے 18 اضلاع میں مختلف حادثات پیش آئے ہیں، جن میں 23 افراد زخمی ہوئے ہیں۔صوبائی حکومت کے کنٹرول روم کے مطابق زیارت میں برفباری کے دوران پھنسنے والی گاڑیوں سے سیاحوں کو نکال کر ریسٹ ہاس منتقل کر دیا گیا۔ لیویز کے مطابق بولان میں این65 شاہراہ پر پھسلن کے باعث ایک کار اور ٹرک میں ٹکر ہو گئی، جس کے نتیجے میں 7 افراد زخمی ہوئے۔ اسی طرح کان مہتر زئی، خانوزئی اور بوستان میں قومی شاہراہوں پر پھسلن کے باعث کئی گاڑیاں ٹکرا گئیں، جس کے نتیجے میں 5 افراد زخمی ہو گئے۔رحمان کہول روڈ پر خستہ حال دیوار گرنے سے 10 سالہ بچہ جاں بحق ہوگیا۔محکمہ موسمیات نے پیش گوئی کی ہے کہ منگل کو کوئٹہ، زیارت، چمن، پشین، قلعہ عبداللہ، قلعہ سیف اللہ اور چاغی میں مزید بارش اور ہلکی برفباری ہو سکتی ہے، اس کے پیش نظر عوام کو غیر ضروری سفر سے گریز کرنے کی ہدایت کی گئی ہے۔