پنجاب، دھند کے باعث موٹر وے مختلف مقامات پر بند

لاہور( اباسین خبر)پنجاب میں دھند کے باعث مختلف مقامات پر موٹر وے بند کر دی گئی ہے۔دھند کی شدت کے سبب ایم 3 (سمندری سے درخانہ تک)، ایم 4 (گوجرہ سے ملتان تک) اور ایم 5 (ملتان سے روہڑی تک) بند کر دی گئی ہیں۔موٹر وے پولیس نے ڈرائیور حضرات کو ہدایت کی ہے کہ وہ گاڑیوں میں دھند والی فوگ لائٹس کا استعمال کریں تاکہ دیگر گاڑیوں کو بہتر طور پر دیکھا جا سکے۔ عوام سے درخواست کی گئی ہے کہ وہ غیر ضروری سفر سے گریز کریں، تیز رفتاری سے پرہیز کریں اور اگلی گاڑی سے مناسب فاصلہ رکھیں۔