1
کراچی( اباسین خبر)پیپلز پارٹی کے چیئرمین بلاول بھٹو زرداری نے شمالی وزیرستان میں 13 دہشت گردوں کی ہلاکت پر سکیورٹی فورسز کو خراج تحسین پیش کیا۔بلاول بھٹو زرداری کا کہنا تھا کہ دہشت گرد قوم اور پوری انسانیت کے دشمن ہیں۔ انہوں نے کہا کہ دہشت گردوں کے خلاف جنگ میں سکیورٹی فورسز کا حوصلہ بلند ہے اور قوم کا عزم غیرمتزلزل ہے۔چیئرمین پیپلز پارٹی نے شمالی وزیرستان میں دہشت گردوں کے خلاف آپریشن کے دوران شہید ہونے والے میجر محمد اویس کی شہادت پر افسوس کا اظہار کرتے ہوئے کہا کہ شہید افسر ارضِ وطن کا بہادر بیٹا تھا اور ان کی قربانی لازوال ہے۔انہوں نے شہید میجر محمد ادریس کے اہلخانہ سے بھی دلی تعزیت اور ان کے لیے صبر جمیل کی دعا کی۔
