جنوبی افریقہ کیخلاف فتح سے ٹیم کا مورال بڑھے گا: محسن نقوی

لاہور( سپورٹس ڈیسک)چیئرمین پاکستان کرکٹ بورڈ (پی سی بی) محسن نقوی نے جنوبی افریقہ کے خلاف شاندار فتح پر قومی ٹیم کو سراہتے ہوئے کہا کہ اس کامیابی سے کھلاڑیوں کا مورال مزید بلند ہوگا۔محسن نقوی نے جنوبی افریقہ کو ہوم گرانڈ پر وائٹ واش کرنے پر قومی ٹیم کو دل کی گہرائیوں سے مبارکباد دی۔ انہوں نے کہا کہ “ویلڈن گرین شرٹس، ویلڈن!” اور ٹیم کی تیسری ون ڈے میں فتح پر خوشی کا اظہار کیا۔چیئرمین پی سی بی نے مزید کہا کہ صائم ایوب نے اپنی کلاس ثابت کرتے ہوئے ایک شاندار سنچری اسکور کی، جس سے فتح میں اہم کردار ادا کیا۔ محمد رضوان اور بابر اعظم کی بیٹنگ بھی اہم رہی، اور سفیان مقیم نے عمدہ بالنگ کا مظاہرہ کرکے قوم کا دل جیت لیا۔انہوں نے اس کامیابی کو ٹیم ورک کا نتیجہ قرار دیتے ہوئے کہا کہ کھلاڑیوں نے جذبے اور محنت سے کھیل کر کامیابی حاصل کی۔ محسن نقوی نے توقع ظاہر کی کہ اس جیت سے کھلاڑیوں کا مورال بلند ہوگا اور پاکستانی ٹیم چیمپئنز ٹرافی میں بھی ایسی ہی کارکردگی دکھائے گی۔