کراچی پریس کلب فوارہ چوک پر پاک قطر پرچم لہرا دیئے گئے

کراچی( اباسین خبر)شہر قائد کے پریس کلب فوارہ چوک پر پاک قطر پرچم لہرا دیئے گئے۔ قطر کے قونصل جنرل اور سفارتی عملے نے بھی اس موقع پر شرکت کی، جب کہ آتشبازی کا شاندار مظاہرہ کیا گیا اور لوگوں نے “پاک قطر دوستی زندہ باد” کے نعرے لگائے۔گورنر سندھ کامران خان ٹیسوری نے میڈیا سے گفتگو میں کہا کہ “قومی دن پر قطر کی قوم کو مبارکباد دیتا ہوں، پاک قطر دو طرفہ تعلقات نئی جہت میں داخل ہو چکے ہیں۔” انہوں نے مزید کہا کہ قطر کے سرمایہ کار صوبے کے منافع بخش شعبوں سے استفادہ کریں، جس سے خطے میں غربت اور مہنگائی کے خاتمے میں مدد مل رہی ہے۔قطر کے قونصل جنرل نے کہا کہ قطر کے قومی دن کی مناسبت سے یہ تقریب خوش آئند ہے، اور وہ خطے میں پاکستان کو مستحکم دیکھنا چاہتے ہیں۔