دہشتگردی سے متاثرہ پختونخوا کو پولیس افسران کی شدید کمی کا سامنا

پشاور( ابا سین خبر)خیبرپختونخوا، جو دہشت گردی کے اثرات سے شدید متاثر ہے، کو پولیس افسران کی کمی کا سامنا ہے۔ ذرائع کے مطابق، خیبرپختونخوا پولیس کو افسران کی شدید کمی ہے، اور محکمہ پولیس نے وفاقی حکومت کو اس مسئلے کے حل کے لیے چار مرتبہ خط لکھے ہیں، لیکن اس کے باوجود کمی کا مسئلہ حل نہیں ہو سکا۔پولیس حکام کے مطابق، خیبرپختونخوا پولیس کو گریڈ 19 کے پی ایس پی افسران کی 57 منظور شدہ پوسٹوں میں سے 22 افسران کی کمی ہے۔ اسی طرح، گریڈ 18 کے پی ایس پی افسران کی منظور شدہ پوسٹوں کی تعداد 131 ہے، لیکن پولیس کو اس گریڈ میں 14 افسران کی کمی کا سامنا ہے۔مزید برآں، صوبائی پولیس کو گریڈ 17 کے پی ایس پی افسران کی 7 پوسٹوں کی کمی بھی محسوس ہو رہی ہے، حالانکہ گریڈ 17 کے پی ایس پی افسران کی منظور شدہ پوسٹوں کی تعداد 15 ہے۔ اس افسران کی کمی پولیس کی کارکردگی پر اثر انداز ہو رہی ہے اور اس مسئلے کے حل کے لیے فوری اقدامات کی ضرورت ہے۔