جِلد کے کینسر کی تشخیص کرنے والا زبردست اے آئی ماڈل متعارف

نیو یارک ( ہیلتھ ڈیسک)سائنسدانوں نے ایک نیا مصنوعی ذہانت (AI) ماڈل تیار کیا ہے جو جلد کے کینسر کا پتہ لگانے میں مددگار ثابت ہو سکتا ہے۔ نائجیریا کی احمدو بیلو یونیورسٹی کے علیو تینگی ابراہیم اور ان کی ٹیم نے ڈیٹا سائنس اور مینجمنٹ میں ایک مطالعہ شائع کیا، جس میں انہوں نے ایک جدید AI ماڈل پیش کیا ہے جو جلد کے کینسر کی تشخیص کے عمل میں اہم تبدیلی لا سکتا ہے۔یہ AI ماڈل جلد کے مختلف زخموں کو سات الگ الگ زمروں میں تقسیم کرتا ہے، جیسے میلانوما، بیسل سیل کارسینوما، اور بینائن کیراٹوسس وغیرہ۔ یہ ماہرین کا قدم ڈرمیٹولوجی تحقیق میں ایک اہم پیشرفت کی نمائندگی کرتا ہے، جو نہ صرف جلد کے کینسر کی درست تشخیص میں مدد دے گا، بلکہ مریضوں کی دیکھ بھال کے عمل کو بھی بہتر بنائے گا۔ماڈل میں پانچ مختلف ٹرانسفر لرننگ ماڈلز کو ضم کیا گیا ہے تاکہ جلد کے زخموں کو مختلف زمرہ جات میں درست طریقے سے درجہ بندی کیا جا سکے۔ ماڈل کو 10 ہزار سے زیادہ ڈرموسکوپک امیجز کے وسیع ڈیٹاسیٹ پر تربیت دی گئی، جس کے بعد اس نے 94.49 فیصد کی متاثر کن درستگی کا مظاہرہ کیا۔یہ نئی AI ٹیکنالوجی جلد کے کینسر کی تشخیص کے میدان میں ایک امید افزا قدم ہے، جو مریضوں کے لیے جلد اور موثر علاج کے امکانات بڑھا سکتی ہے۔