20
کراچی( اباسین خبر)کراچی کے کینٹ اسٹیشن پر ٹرینوں کی آمد و رفت گھنٹوں تاخیر کا شکار ہو گئی ہے جس سے مسافروں کو شدید مشکلات کا سامنا ہے۔ایک مسافر نے بتایا کہ خیبر میل جو رات 10 بجے کینٹ اسٹیشن پہنچنے والی تھی، وہ صبح 5 بجے پہنچی۔ مسافروں کا کہنا ہے کہ انہیں ٹرینوں سے متعلق کوئی معلومات فراہم نہیں کی جا رہی اور نہ ہی ریلوے انتظامیہ کی جانب سے کوئی وضاحت دی جا رہی ہے۔مزید برآں، سکھر ایکسپریس کی روانگی میں بھی اکثر تاخیر دیکھنے کو ملتی ہے، جبکہ ریلوے انتظامیہ کا کہنا ہے کہ ٹکٹ واپس نہیں کیے جائیں گے اور مسافروں کو ٹکٹ ضائع کرنے کا مشورہ دیا جا رہا ہے۔یہ صورتحال ریلوے کے نظام میں کارکردگی کی کمی اور مسافروں کی مشکلات میں اضافے کی نشاندہی کرتی ہے، جس کے باعث مسافر بے یقینی اور پریشانی کا شکار ہیں۔
